Gaur denak oso pozik etorri dira eskolara, gaur ostirala baita. Pasilotik honako hau entzuten zen behin eta berriro: “gaur ostirala da, gaur mantalak etxera”. Haurrak ostirala iristen den bakoitzean oso pozik egoten dira, bi eguneko oporrak izango dituztelako.
9etan Ingelesa saioa eduki duten bitartean, Korok eta biok hurrengo ordurako materiala prestatu dugu, egin behar dituzten fitxak, kopiak atera, etab.
Ingelesetik bueltan, lurrean eseri, otoitz egin eta makinista berria izendatu dugu. Oraingoan Oihaneri tokatzen zitzaion makinista izatea. Gainera, gaur Oihaneren urtebetetzeak dira, beraz txokoetan ibili ondoren “Zorionak” abestia abestu diogu. Gozokiak eta gailetak banatu ondoren jolasgaraira atera gara.
Jolasgaraitik bueltan, musika saioa egin dugu. Bertan, abesti ezberdinak abestu; eta, musika doinuak entzun eta errepikatu egiten dituzte (bai eskuekin eta baita ahotsarekin ere, musikak egiten duen modu berean). Azkenik, Ulises egin ondoren, bazkaltzera abiatu gara. Jangelakoak jangelako mantala jantzi dute, etxera bazkaltzera joaten direnak, berriz, berokia.
Arratsaldean, 14:30etan sartu gara gelara. denak lurrean eseri eta “Txirrita eta Inurria” ipuinaren inguruko abestiak entzun ditugu. Ondoren, Oihane makinista txartelak aldatu eta txokoetan ibili dira jolasean eta lan egiten. Jolasgaraitik bueltan, Ulises egin eta poz-pozik abestien bidez agur esan diogu elkarri.
No hay comentarios:
Publicar un comentario